بەپێی هەواڵی کوردپرێس، نێچيرڤان بارزانى، سه‌رۆکى هه‌رێمى کوردستان له ديدارێکدا له‌گه‌ڵ خلووسى ئاکار، وه‌زيرى به‌رگريى تورکيا که له ميانى به‌شداريکردن له کۆنفرانسى ئاسايشى ميونشندا باسیان له دۆخى عێراق و ئه‌نجامى هه‌ڵبژاردنه‌کان و هه‌وڵه‌کانى ڕاسته‌ڕێکردنى پرۆسه‌ى سياسى کرد.
له ته‌وه‌رێکى ديکه‌ى ديداره‌که‌دا تيشک خرايه سه‌ر په‌يوه‌ندييه‌کانى عێراق و هه‌رێمى کوردستان له‌گه‌ڵ تورکيا و جه‌خت له‌وه کرايه‌وه که هاريکاريى هاوبه‌ش و په‌يوه‌ندييه‌کانى عێراق و هه‌رێمى کوردستان له‌گه‌ڵ تورکيا، له‌پێناو دابينکردنى ئارامى و سه‌قامگيريى ناوچه‌که‌دا بن.
شه‌ڕى دژى تيرۆر و مه‌ترسييه‌کانى سه‌رهه‌ڵدانه‌وه‌ى داعش له عێراق و سووريا، ته‌وه‌رێکى ديکه‌ى ديداره‌که بوو.
Your Comment