بەپێی هەواڵی کوردپرێس، له‌ کۆبوونه‌وه‌ی سه‌رۆکی هه‌رێمی کوردستان و سه‌رۆکی ئه‌نجوومه‌نی نوێنه‌رانی عێراق له‌گه‌ڵ سه‌ید موقته‌دا سه‌در تاوتوێی دۆخی سیاسی ئێستای عێراق و چۆنیه‌تی نه‌هێشتنی کۆسپ و گرفته‌کان ده‌کرێت.

هه‌ر ئه‌مڕۆ مه‌سعود بارزانی په‌یامێکی له‌ باره‌ی دۆخی سیاسی ئێستای عێراق و هه‌رێمی کوردستان بڵاو کرده‌وه‌ و رایده‌گه‌ێنێت: لەپێناو چارەسەری گیروگرفتەکان و ڕەخساندنی کەشێکی گونجاو و باش بۆ پڕۆسەی سیاسیی عێراق، دەستپێشخەرییەکی سیاسیی خستووەتەڕوو.

بارزانی له‌په‌یامه‌که‌یدا رایگه‌یاند: لەپێناو چارەسەری گیروگرفتەکان و ڕەخساندنی کەشێکی گونجاو و باش بۆ پڕۆسەی سیاسیی عێراق، دەستپێشخەرییەکی سیاسیم خستووەتەڕوو.

لە چوارچێوەی ئەم دەستپێشخەرییەدا پێشنیارم کردووە نێچیرڤان بارزانی و محەمەد حەلبووسی سەردانی سەید موقتەدا سەدر بکەن و لەسەر چۆنیەتیی بەردەوام بوونی پڕۆسەی سیاسی و نەهێشتنی کۆسپ و گرفتەکان ڕاوێژ بکەن.

له‌به‌شێکی دیکه‌ی په‌یامه‌که‌ی مەسعوود بارزانیدا هاتووه‌: هیوادارم ئەم دەستپێشخەرییە ئەنجامی ئیجابی هەبێت و لە بەرژەوەندیی عێراق و هەموو پێکهاتەکانیدا بێت.