«دکتۆر ئیبراهیم موسلیم» نوێنەری پارتی یەکێتیی دیموکراتیک (PYD) لە باڵکان و ئەندامی ئەنجومەنی گشتیی ئەم حیزبە ئاماژەی دایە ئەگەری کشانەوەی ئەمریکا لە کوردستانی سووریا و پاشهاتەکانی ئەو کشانەوەیە و ڕایگەیاند: جیاوازیێکی زۆر هەیە لەنێوان دۆخی ئەفغانستان و کوردستانی سووریادا و ناشێت ئەم دوو کەیسە پێکەوە بەراورد بکرێن و نەئکیدی کردەوە ئەم ڕەفتارە لە کوردستانی سووریا دووپات نابێتەوە.

ناوبراو درێژەی دا ئەفغانستان قورسایی ستراتێژیی زۆری بۆ ئەمریکا نەبوو بەتایبەت کە لەم دواییەدا ڕووسیا و چین بوونە هەڕەشەیێکی گەورە لەسەر ئاسایشی ئەمریکا.

نوێنەری پارتی یەکێتیی دیموکراتیک (PYD) لە باڵکان وەبیری هێنایەوە بابتێکی دیکە گەندەڵی لە ئیدارەی ئەفغانستان بوو کە بووبە هۆی بێ هیوابوون و خەڵک و هێزە سەربازییەکانی ئەو وڵاتە و وڵات پەرستی و بەرگریی لە نیشتمانی بۆیان کەمڕەنگ کردەوە.

ناوبراو وتیشی: دۆخی کوردستانی سووریا زۆر جیاوازە و ئەمریکا ڕووبەڕووی کەیسێکی نوێ بووەتەوە کە دیموکراسی و مافی و مرۆڤ و مافی کەمینەکانی تێدا لەبەرچاو دەگیردرێت و خەڵک تیایدا بەشدارن و نموونەیێکی گەورەی دیموکراسییە لەنێو دراوسێکاندا.

دکتۆر ئیبراهیم موسلیم ڕاشیگەیاند: بەڕای من ئەمریکا بەم زووانە کوردستانی سووریا بەجێ ناهێڵێت چوونکە دۆخی ئەم ناوچەیە جیاوازە لە ئەفغانستان. سەربازانی ئەمریکی تەنها بۆ پشتگیریی سیاسی و بەشێوەیێکی سەمبۆلیک لە کوردستانی سووریان و ژمارەشیان زۆر کەمە، هێزە کوردەکان بۆخۆیان لە ڕووی زەمینەوە ئاسایش و ئەمنییەتی ئەم ناوچەیانە پاراستووە.

کۆدی هەواڵنێر: 60113