بەپێی هەواڵی کوردپرێس، وەزارەتی پەروەردەی سووریا لە ڕێگەی لاپەڕەی فەرمیی خۆی لە تەلەگرام ئاشکرای کرد کە داواکارییەکان ئەو کەسانە دەگرێتەوە کە بڕوانامەی ئامادەیی (بەکالۆریۆس)یان هەیە و زمانی کوردی دەزانن لە کاتی پێویستدا و بەپێی پێداویستی، لەگەڵ ئەو کەسانەی کە بڕوانامەی زانکۆ یان بڕوانامەی پەیمانگەی ئامادەکردنی مامۆستایانیان هەیە و زمانی کوردی بەباشی دەزانن.

وەزارەتی پەروەردە ڕایگەیاند کە دڵنیابوونەوە لە زانینی زمانی کوردی لە ڕێگەی سەرکەوتن لە تاقیکردنەوە نووسینەکی و زارەکییەکان بەپێی پێوەرە بابەتی و یەکگرتووەکان بەڕێوە دەچێت، و پەیوەندی بەو داواکارانەوە دەکرێت کە مەرجەکانیان گونجاوە بۆ ئەنجامدانی تاقیکردنەوە پێویستەکان.

وەزارەت داوای لەو کەسانە کرد کە دەیانەوێت داواکاری پێشکەش بکەن، زانیارییە پێویستەکان بە وردی پڕ بکنەوە و بەڵگەنامە پێویستەکان لە ڕێگەی بەستەری ئەلیکترۆنیی تایبەتەوە بنێرن: https://ee.kobotoolbox.org/x/SuGABVce

شایانی باسە کە وەزارەتی پەروەردە و فێرکردن بەپێی ڕێنمایییەکانی جێبەجێکردنی تایبەت بە جێبەجێکردنی مەرسومی ژمارە ۱۳ی ساڵی ۲۰۲۶، کە لە ۲۶ی کانوونی دووەمی ڕابردوودا دەرچووبوو، بەڕێوەبەرایەتیی پەروەردە و بەڕێوەبەرایەتیی چاودێریی پەروەردەیی ڕاسپاردووە تا کادری پێویست بۆ وانەوتنی زمانی کوردی لە ناو کادرە بەردەستەکان یان لە دەرەوەیان، بەپێی مەرجە دیاریکراوەکان، دابین بکن.