بەپێی هەواڵی کوردپرێس، پێنج شەممە، ٢٧ تشرینی دووەم ٢٠٢٥، فڕۆکەخانەی نێودەوڵەتی سلێمانی ڕاگەیاندراوێکی بڵاوکردەوە و تیایدا هاتووە: "بەپێی خشتەی گەشتەکان، گەشتە ئاسمانییەکان لە فڕۆکەخانەی نێودەوڵەتی سلێمانی بەردەوامە و هیچ گرفتێک نییە، رێکاری یاسایی بەرامبەر هەر کەسێک دەگرینەبەر کە هەواڵی ناڕاست بڵاوبکاتەوە و دڵەڕاوکێ بۆ گەشتیاران دروست بکا".

شایانی باسە کاتژمێر ١١:٣٠ خولەکی شەوی ڕابردوو (٢٦ تشرینی دووەم ٢٠٢٥) بە درۆن هێرش کرایە سەر کێڵگەی گازی کۆڕمۆر لە چەمچەماڵ و دوای هێرشەکەش دەنگۆی ئەوە بڵاوبۆوە کە گەشتە ئاسمانیەکانی فڕۆکەخانەی سلێمانی وەستاوە.