بەپێی هەواڵی کوردپرێس، دادگای فیدڕاڵی عێراق له ماڵپه‌ڕی فه‌رمی خۆی داوایێکی هۆشیار عومەر، بەرپرسی ژووری پەیوەندییە دیپلۆماسیەکانی بزووتنەوەی گۆڕانی ڕەت کردەوە، که داوای کردوه بڕیاری دەستەی کۆمسیارانی هەڵبژاردنەکانی عێراق هه‌ڵبوه‌شێنرێته‌وه بە پێدانی ده‌رفه‌ت بە سەرکردایەتی سەربەخۆی گۆڕان بۆ درێژەدان بە ئەرکەکانیان بۆ ماوەی شه‌ش مانگ دوای دەستلەکارکێشانەوەیان.
هه‌روه‌ها داواکرابوو که بڕیاری دادگای تاوانەکانی یەکەمی سلێمانی، بە ڕاگرتنی یەکجاریی سەرجەم ڕێوشوێنە دادوەرییەکانی لەسەر (تۆمەتبار دانا ئەحمەد مەجید) ڕه‌ت بکرێته‌وه.
شایانی باسە بزووتنه‌وه‌ی گۆڕان له دوای ته‌قینه‌وه‌ی کێشه نێوخۆییه‌کانی له ساڵی ڕابردوودا به‌سه‌ر دوو به‌ره‌دا داشبوو، به‌ەیێک که دانا ئەحمەد مەجید و ژماره‌یێک سه‌رکرده‌ی دیکه‌ی بزووتنه‌وه‌که سه‌رۆکایه‌تی ده‌کات له گرده‌که جیابوونه‌وه و له گه‌ڕه‌کی کوردساتی سلێمانی باره‌گایێکی نوێیان کرده‌وه، هاوکات به‌شێکی دیکه له ئه‌ندامانی جڤاتی نیشتیمانی که خۆیان به هه‌ڵبژێردراوی بزووتنه‌وه‌که ناوده‌به‌ن له گرده‌که ماونه‌ته‌وه و ده‌ڵێن، درێژه به کاره‌کانی گۆڕان ده‌ده‌ن.
Your Comment