بەپێی هەواڵی کوردپرێس، قوباد تاڵه‌بانی، جێگری سه‌رۆكی حكوومه‌تی هه‌رێمی كوردستان له‌ تۆڕی كۆمه‌ڵایه‌تیی فه‌یسبووک ڕایگه‌یاند: "گه‌شبینن له‌ ماوه‌یێكی نزیكدا ڕێككه‌وتنی كۆتایی له‌ نێوان پارتی دیموكراتی كوردستان و یه‌كێتیی نیشتمانیی كوردستان بۆ پێكهێنانی كابینه‌ی نوێ مۆر بكه‌ن".

قوباد تاڵه‌بانی ئاماژه‌ی به‌وه‌ش كردووه‌، ڕه‌شنووسی دیدگه‌ی هاوبه‌ش بۆ پرۆسه‌ی پێكهێنانی حكوومه‌ت خێراتر بووه‌.
ناوبراو گوتیشی: دوای ڕێككه‌وتنی پارتی و یه‌كێتی له‌سه‌ر ڕه‌شنووسی دیدگه‌ی هاوبه‌ش بۆ حوكمڕانی، پرۆسه‌ی پێكهێنانی حكوومه‌ت خێراتر بووه‌.