بەپێی هەواڵی کوردپرێس، مەنووچێهر حەبیبی ڕۆژی سێشەمە له پەراوێزی ڕێوڕەسمی واژۆ کردنی لێکتێگەیشتن نامەی پڕۆژەی گۆڕینەوەی زێڕاوی شار بە وزەی جێیگرەوەی (RDF) له پارێزگاریی کرماشان ئاماژەی بەوە کرد کە یەکێک له سەرچاوەکانی بەرهەم هێنان وزە، سیستەمی وزەی گۆڕینی زبڵ بە سووتەمەنی (RDF)ە و زیادی کرد: پڕۆژەی نوێ کەڵک وەرگرتن لە زێڕابە شاریەکان  بە شێوەی پایلۆت له کرماشان و بە هاوکاری وەزارەتی ناوخۆ، پارێزگاری، شارەوانیی کرماشان، کارخانە چیمەنتۆی ڕۆژاوا و کۆمپانیای دووبارە بەرهەم هێنانەوە جێبەجێ دەکرێت.

پارێزگاری کرماشان ئاماژەی بەمەش کرد کە رۆژانە 700 تەن زێڕابی شاری له شاری کرماشان درووست دەبێت و گوتی: 70 لەسەدی زێڕابی  کرماشان تەڕ و سی لەسەدی زبڵی وشکە، پاش جیاکردنەوە دەکرێ وەکوو سووتەمەنی له کارخانەکانی بەرهەمهێنانی چیمەنتۆ کەڵکی لێوەربگیردرێت.