بەپێی هەواڵی کوردپرێس، سەرچاوەکانی نێو قامشلۆ ئاشکرایان کردووە ئێوارەی دووشەممە 9-12-2024 فڕۆکەی ئیسرائیلی کۆگای چەک و تەقەمەنیی تایبەت بە سوپای سووریای لە نێو فڕۆکەخانەی قامشلۆ بۆردوومان کردووە.

بە گوێرەی زانیارییەکان ئەو شوێنەی کراوەتە ئامانج، شوێنی پێشووی فەوجی تورتب بووە لەنێو فڕۆکەخانەی قامشلۆ.

کۆمەڵگایەکیش لەلایەن فڕۆکەی ئیسرائیلییەوە بۆردوومان کراوە کە بەگوێرەی زانیارییەکان ئەو کۆمەڵگەیەی بۆردوومان کراوە، پێکهاتووە لە نزیکەی 300 شوققە.

هەروەها بەرەبەیانی ئەمڕۆ سێشەممە، دەنگی چەند تەقینەوەیەکی بەهێز لە دیمەشقی پایتەختی سووریا بیستران.

سەرچاوە خۆجێیەکان ئاماژە بەوە دەکەن، لە دوای ڕووخانی بەشار ئەسەدەوە، ئیسرائیل نزیکەی 250 هێرشی ئاسمانیی کردوونەتە سەر سووریا.

 دیمەنی راستەوخۆی دیمەشق پێشانیدەدات دووکەڵ لە نێوەڕاستی پایتەختەکە بەرزدەبێتەوە.