بەپێی هەواڵی کوردپرێس، میدیاکانی سووریا ڕایانگەیاند به‌ره‌به‌یانی ئه‌مڕۆ فڕۆکه جه‌نگیه‌کانی ئیسرائیل جارێکی دیکه بۆردوومانێکیان له ناوچه‌ی سه‌یده زه‌ینه‌ب له دیمه‌شقی پایته‌خت ئه‌نجامدا و به‌وته‌ی شایه‌تحاڵه‌کانیش کۆگایه‌کی چه‌کی کردۆته ئامانج.
ئاماژه‌ی به‌وه‌ش کردووه، تاوه‌کوو ئێستا زانیاری ورد زیاتر سه‌باره‌ت به ورده‌کاری ئامانجکردنه‌که ئاشکرانه‌کراوه به‌ڵام زیانی گیانی و ماددی زۆری لێکه‌وتۆته‌وه.
له‌لایه‌کی دیکه‌شه‌وه، هێرشه‌کانی ئیسرائیل شوێنێکی سه‌ربازییان کرده ئامانج له لادێکانی باکووری حمس له ناوه‌ڕاستی ئه‌و وڵاته، ئه‌مه جگه له‌وه‌ی ده‌وروبه‌ری شاری لازقییه له که‌ناراوه‌کانی سووریا له ڕۆژئاوای ئه‌و وڵاته‌یان کرده ئامانج.
Your Comment