بەپێی هەواڵی کوردپرێس، گرووپە چەكدارەكانی سووریا دەروازەی سنووریی "نەسیب"یان لە نێوان سووریا و ئوردن کۆنترۆڵ كردووە، كە ئەو دەروازە دەکەوێتە نێوان شارۆچکەی جابر لە ئوردن لە پارێزگای مەفرەق، لەگەڵ شارۆچکەی نەسیبی سووریا لە پارێزگای دارا.

لایخۆیەوە مازن فەرایە، وەزیری ناوخۆی ئەردەن ڕۆژی هەینی لە ڕاگەیەندراوێكدا بڵاویكردەوە، دەروازەی سنووریی جابر بەرامبەر دەروازەی نەسیبی سووریای داخرا، ئەوەش بەهۆی بارودۆخی ئەمنییەی كە باشووری سووریا هەیە.

ئاماژەی بەوەشكرد، ڕێگە بە گەڕانەوەی بارهەڵگرە ئوردنیەكان بۆ وڵاتەكەیان دەدرێت، لەکاتێکدا هاتوچۆ بۆ ئەو کەسانە قەدەغە دەکرێت کە بەرەو خاکی سووریا دەڕۆن .

بەگوێرەی ڕاگەیەندراوەكە وەزیری ناوخۆی ئوردن، ئەو وڵاتە بەدواداچوون بۆ پێشهاتە بەردەوامەکانی سووریا دەکات، هاوکات هێزە چەکدارەکان بەردەوامن لە پاراستنی سنوورەکان و لە ئامادەباشیدان.