بەپێی هەواڵی کوردپرێس، هەرێم کەمال ئاغا، سەرۆکی فراکسیۆنی یەکێتی لە پەرلەمانی عێراق بە ڕووداوی راگەیاند: یەکێتی هەڵۆ عەسکەری، سەرۆکی پێشووی دەستەی ژینگەی هەرێمی کوردستانی بۆ پۆستی وەزیری ژینگەی عێراق بەربژێر کردووە.
هەرێم کەمال ئاغا گوتیشی، نووسراوەکە لە سەرۆکایەتیی پەرلەمانی عێراقە و بڕیارە لە چەند رۆژی داهاتوودا بخرێتە دەنگدانەوە.
- هەڵۆ مستەفا عەسکەری هەڵگری بڕوانامەی دکتۆرایە لە تەندروستی و سەلامەتی ژینگەیی.
۲۰۱۰ ـ ۲۰۱۲ ڕاوێژکاری بەرهەم ساڵح، سەرۆکوەزیرانی ئەو کاتی هەرێمی کوردستان بۆ کاروباری ژینگە بووە.
۲۰۱۲ـ ۲۰۱۸ ڕاوێژکار بووە لە وەزارەتی سامانە سرووشتییەکان.
۲۰۱۸ - ۲۰۲۰ سەرۆکی دەستەی ژینگەی هەرێمی کوردستان بووە.
۲۰۲۰ ـ ۲۰۲۱ ڕاوێژکاری جێگری سەرۆکوەزیرانی هەرێمی کوردستان بووە.
Your Comment