بەپێی هەواڵی کوردپرێس، به‌گوێره‌ی ڕاگه‌یه‌ندراوێكی نووسینگه‌ی ڕاگه‌یاندنی سه‌رۆک وه‌زیرانی عێراق، ئه‌مڕۆ یه‌كشه‌ممه محه‌مه‌د شیاع سوودانی پێشوازیی له عه‌باس عێراقچی وه‌زیری ده‌ره‌وه‌ی كۆماری ئیسلامیی ئێران كرد و له‌دیدارێكدا باسیان له په‌یوه‌ندییه گشتییه‌كانی نێوان هه‌ردوو وڵات و دوایین بابه‌تی ناوچه‌یی و نێوده‌وڵه‌تی كرد.
سه‌رۆک وه‌زیرانی عێراق له میانی دیداره‌كه‌دا ڕوونیكرده‌وه، "كاره له‌پێشینه‌كانی حكوومه‌تی ئێستا ئه‌وه‌یه كه له په‌یوه‌ندیدایه سه‌باره‌ت به دۆخی ناوچه‌كه و كاریان له‌سه‌ر ده‌كات، یه‌كه‌میان ڕاگرتنی ده‌ستدرێژی زایۆنیسته‌كانه بۆ سه‌ر غه‌ززه و لوبنان، هه‌روه‌ها ڕێگریكردن له قه‌واره‌ی قۆرخكار له فراوانكردنی گۆڕه‌پانی ململانێكان، جگه له پشتیوانیكردنی هه‌موو ئه‌و هه‌وڵانه‌ی كه له‌م ڕێگایه‌دا كراون و دڵنیابوون له گه‌یشتنی كه‌ره‌سته‌ی فریاگوزاری و یارمه‌تییه مرۆییه‌كان بۆ گه‌له‌كه‌مان له غه‌ززه و له لوبنانی برا".
ئه‌وه‌شیخسته‌ڕوو، "عێراق هه‌مو هه‌وڵێک ده‌دات بۆ هێنانه‌دی ئاگربه‌ست، به هاوكاری له‌گه‌ڵ هاوبه‌ش و دۆستانی نێوده‌وڵه‌تی به‌تایبه‌تی له وڵاتانی یه‌كێتی ئه‌ورووپاوه، پێشتریش حكوومه‌تی عێراق چه‌ندینجار هۆشداریداوه له پلانه‌كانی ئه‌و قه‌واره‌یه بۆ فراوانكردنی شه‌ڕ، كه بۆ هه‌موو لایه‌نه‌كان ڕوون بووه‌ته‌وه و بۆته ئامانجێكی شه‌ڕانگێزی كراوه له‌به‌رده‌میاندا".
سوودانی ئاماژه‌ی به‌وه‌دا كه هه‌وڵه‌كانی عێراق بۆ ڕێگریكردن له ته‌شه‌نه‌سه‌ندنی ململانێكان له كۆتاییدا له به‌رژه‌وه‌ندی ئاسایشی نه‌ته‌وه‌یی عێراق و ئاسایشی ته‌واوی ناوچه‌كه‌دایه، هه‌روه‌ها پاراستنی سه‌قامگیریی گه‌له‌كه‌یه.
له‌لای خۆیه‌وه عه‌باس عێراقچی پێزانینی خۆی بۆ هه‌ڵوێستی عێراقییه‌كان له هێوركردنه‌وه‌ی دۆخه‌كه‌دا ده‌ربڕی، به‌تایبه‌ت ناردنی كه‌ره‌سته‌ی فریاگوزاریانه‌ی كه بۆ زیانلێكه‌وتووانی غه‌ززه و لوبنان دابینكرابوون، جه‌ختیشیكرده‌وه، سه‌ردانه‌كه‌ی بۆ زیاتر هه‌ماهه‌نگی هه‌وڵه‌كان و ڕاوێژكردنه له‌سه‌ر ڕێبازی دۆخه‌كه، هه‌روه‌ها وڵاته‌كه‌ی هاوڕایه له‌گه‌ڵ هه‌وڵه‌كانی عێراق بۆ ڕێگریكردن له فراوانبوونی شه‌ڕه‌كه".
سه‌رۆک وه‌زیرانی عێراق له‌میانه‌ی پێشوازیكردنی له عه‌باس عێراقچی وه‌زیری ده‌ره‌وه‌ی ئێران رایگه‌یاند، عێراق هه‌موو هه‌وڵێک ده‌دات بۆ هێنانه‌دی ئاگربه‌ست لە ناوچەکە.
News Code 224222
Your Comment