بەپێی هەواڵی کوردپرێس، له دووه‌مین ڕۆژی کۆنگره‌ی ۱۰ی پارتی یه‌کێتی دیموکراتی (PYD)، که به دروشمی "پێکه‌وه له پێناو ئازادیی جه‌سته‌یی ڕێبه‌ر ئۆجالان، چه‌سپاندنی خۆبه‌ڕێوه‌به‌ریی دیموکراتیک و بونیادنانی سووریایه‌کی دیموکراتیک" به‌ڕێوه‌چوو، هاوسه‌رۆکانی نوێی په‌یه‌ده هه‌ڵبژێردران.
له کۆنگره‌که‌دا ۷۰۰ ئه‌ندام به‌شدارییان کرد و تێیدا هه‌ریه‌ک له غه‌ریب حه‌سۆ و په‌روین یووسف، له شوێنی ساڵح موسلم و ئاسیا عه‌بدوڵڵا وه‌ک هاوسه‌رۆکی نوێی په‌یه‌ده هه‌ڵبژێردران.
کۆنگره‌که به ئه‌نجامدانی هه‌ڵبژاردن بۆ دیاری کردنی ۹۰ ئه‌ندام بۆ ئه‌نجومه‌نی گشتیی پارتی یه‌کێتی دیموکراتی به‌رده‌وام ده‌بێت.
Your Comment