ئەشکەوتی مێژوویی "شانەدەر" لە هەرێمی کوردستانی عێراق بۆ ماوەی دەیان هەزار ساڵ شوێنی ژیوای مرۆڤی نیاندەرتاڵ بووە. لەمدواییانەشدا کەلەسەری یەکێک لە ئێسکەکانی ئەم ئەشکەوتە کاری لەسەر کرا و دەرکەوت کە ئەو و هاوڕێکانی نزیکەی ۵۰۰۰۰ ساڵ پێش لەو ئەشکەوتە ژیاون.

پرۆفیسۆر گریمی بارکر لە زانکۆی کامبریج بە گۆڤاری ڕیجێن-ی وتووە: لێکۆڵنەوەکان لەبارەی مرۆڤی نیاندرتاڵ و ئەو زانستانەی لەم ئەشکەوتە دەسکەوتوون، لەم بوارەدا لە جیهان کەم وێنەیە و زانیاریی زۆری لەمبارەوە ئاشکرا کردووە بۆیە ئەگەری هەیە ئەشکەوتی "شانەدەر" بچێتە لیستی شوێنە مێژووییەکانی یونسکۆ.