بەپێی هەواڵی کوردپرێس، ڕوانگەی مافی مرۆڤی سووریا کە ناوەندەکەی لە شاری لەندەنە، لە زنجیرە ڕاپۆرتێکدا باس لەوە دەکات کە لە ماوەی هەفتەی ڕابردوودا ئەو پێکدادان و ڕووبەڕووبوونەوانە زیادی کردووە و هێزە کوردەکانی سووریا توانیویانە درۆنێکی بومبڕێژکراوی تورکیا لە باکووری حەلەب بخەنە خوارەوە.
هەروەها بەهۆی هێرشی میلیشیاکانەوە بۆسەر هێزەکانی حکوومەتی ناوەندیی سووریا هێرشە هاوکاتەکانی حکوومەتی دیمەش و هێزە کوردەکان لەدژی میلیشیاکانی سەربە تورکیا لە باکووری حەلەب سەریهەڵداوەتەوە.
هەر بەگوێرەی ڕاپۆرتی ڕوانگەی مافی مرۆڤی سووریا میلیشیاکانی سەربە تورکیا بە کەڵک وەرگرتن لە تۆپخانەکانی سوپای تورکیا گوندەکانی ژێر کونترۆڵی هێزە کوردییەکان لە باکووری سووریا تۆپباران دەکەن.
Your Comment