بەپێی هەواڵی کوردپرێس، تەلەفزیۆنی کوردستان TV بڵاوی کردەوە لە کۆبوونەوەکەدا سەردانەکەی سەرۆک کۆماری تورکیا و شاندی یاوەری بۆ بەغدا و لێکتێگەیشتن و ڕێککەوتنەکانی نێوان عێراق و تورکیا بە گرینگ و مێژوویی و فاکتەری گەشەپێدان و ئارامی وەسف کرا.
هەر لەو کۆبوونەوەیدا جەخت لە بەرەوپێشچوون و فراوانبوونی پەیوەندییەکانی نێوان عێراق و هەرێمی کوردستان و وڵاتی تورکیا کرایەوە، ئەویش لەپێناو پتەوتربوونی سەقامگیریی هەرێمایەتی و هاوکاری و هەماهەنگیی هاوبەش لە بوارە جۆراوجۆرەکان و قووڵترکردنی بنەماکانی دراوسێتی و برەودانی پەیوەندییە ئابوورییەکان.
دوایین گۆڕانکاری و پێشهاتەکانی ناوچەکە تەوەری تری ئەو کۆبوونەوەیە بوون.
لایخۆیەوە مەسعوود بارزانی لەبارەی دیدارەکەی لەگەڵ سەرۆک کۆماری تورکیا پەیامێکی لە تۆڕی کۆمەڵایەتی (ئێکس) بڵاو کردەوە و ڕایگەیاند: "خۆشحاڵ بووم ئەمڕۆ لە کوردستان پێشوازیم لە ڕەجەب تەییب ئەردۆغان، سەرۆک کۆماری تورکیا کرد". لەو دیدراەدا "باسمان لە رێگەکانی بەردەوامی هاوئاهەنگییەکان کرد بۆ بەرژەوەندییەکانی گەلی کوردستان و تورکیا".
Your Comment