میدیاکانی هەرێمی کوردستان بڵاویان کردەوە لەشاری هەولێر حزبی "بەرەی گەل" کۆنگرەی خۆی بەست و تیایدا 160 ئەندام بەشداربوون و سەرۆک و 13 ئەندامی سەرکردایەتی حزبەکەی هەڵبژارد، سەرۆکی حزبەکە ناوی فەرهاد عومەر هاوسەری ژینۆ محەمەد ئەندامی پێشووی سەرکردایەتی یەکێتیە.
“بەرەی گەل" لە هەرێمی کوردستان و لە کۆمسیۆنی باڵای هەڵبژاردنەکانی عێراق تۆمارکراوە و ئێستا حزبێکی یاساییە.
بەپێی مەرج و رێنماییەکانی کۆمسیۆنی هەڵبژاردنەکان دەبێت ئەو کەسانەی بە لیست بەشداری دەکەن دەبێت حزب و رێکخراوێکی سیاسی تۆمارکراویان هەبێت.
لاهور شێخ جەنگی بۆ یەکەم جار بە لیستی سەربەخۆ بەشدار دەبێت لەسەر ئاستی چوار بازنەکەی هەرێمی کوردستان بۆ هەڵبژاردنی خولی شەشەمی پەرلەمانی کوردستان.
Your Comment