بەپێی هەواڵی کوردپرێس، فەرماندەیی ناوەندیی ئەمریکا لە راگەیەنراوێکدا بڵاوی‌کردەوە، لە ماوەی ۲۴ کاتژمێری رابردوو هێزەکانی ئەمریکا سێ فڕۆکەی بێ‌فڕۆکەوانیان لە نزیک بنکەی هێزەکانیان لە عێراق و هەرێم تێکشکاندووە.

ئاماژە بەوەش کراوە، لە بەرپەچی هێزەکانی ئەمریکا لە عێراق و هەرێم، درۆنێک تێکشکێندراوە و زیان بە یەکێکی دیکە گەیەندراوە، بەهۆی هێرشەکانیشەوە چەند سەربازێکی سەر بە هێزی هاوپەیمانان بە سووکی بریندار بووە.

ئەوەش خراوەتەڕوو، لە هەرێمی کوردستانیش لەلایەن بنکەیەکی دیکەی هێزەکانی ئەمریکاوە فڕۆکەیەکی بێ فڕۆکەوان تێکشکێندرا، بەبێ ئەوەی هیچ زیانێکی ماددی و گیانی لێبکەوێتەوە.

فەرماندەیی ناوەندی ئەمریکا باسی لەوەش کردووە، لە ئێستادا بە چری چاودێری دۆخی عیراق و هەرێم دەکرێت، هێزەکانی ئەمریکا و هاوپەیمانانیش بە ڕووی هەموو هەڕەشەیەکی ئەو دوو ناوچەیە دەوەستنەوە.