بەپێی هەواڵی کوردپرێس، رۆژی شەممە، ۱۶ـی ئەیلوولی ۲۰۲۳، سەید هاشمی، بەڕێوەبەری نووسینگەی نەسروڵڵا رەشنوودی، کۆنسوڵی گشتیی ئێران لە هەولێر بە تۆڕی میدیایی ڕووداوی گوت: "لە هەندێک لە میدیا کوردییەکاندا هەواڵێک بڵاوکراوەتەوە سەبارەت درێژکردنەوەی کاتی چەک داماڵین کە لە رێککەوتنی ئەمنی ئێران و عێراقدا هاتووە سەبارەت بە چەک داماڵینی گرووپەکان.
لە درێژەدا هاتووە ئێمە ڕایدەگەیێنین کە ئەو هەواڵە بێ بنەما و ناڕاستە و هیچ جۆرە درێژکردنەوەیەک نەکراوە و کۆماری ئیسلامی ئێران سوورە لەسەر هەمان رێککەوت کە رایگەیاندووە و ئەویش" ۱۹ـی ئەیلوولی ۲۰۲۳ـە.
Your Comment