بەپێی هەواڵی کوردپرێس، بە سەرپەرشتیی عەلی باپیر سەرۆکی کۆمەڵی دادگەری ئەنجومەنی ‏باڵای کۆمەڵ لە شاری سۆران کۆ بوونە و بەگوێرەی ڕاگەیەنراوی کۆبوونەوە: "‏ئەنجومەنی باڵا پێی وایە بەهۆی هەڵەی بەردەوامی ‏دەسەڵاتدارانی هەرێمی کوردستان ڕۆژ بەڕۆژ هەرێم پێگەی لاواز دەبێت و ‏بەرپرسیاری یەکەم لەو لاوازییە هەر دوو پارتە دەسەڵاتدارەکەی هەرێمی ‏کوردستانن".

بڕگەیەکی دیکەی کۆبونەوەکە تایبەت بوو بە پرسی هەڵبژاردنەکانی ‏ئەنجومەنی پارێزگاکانی عێراق کە بڕیارە لە سەرەتای مانگی 12ی ئەمساڵدا ‏ئەنجام بدرێت، "ئەنجومەنی باڵا ئەگەرچی تێبینی و نیگەرانی هەیە لەو شێوازی ‏بەڕێوەبردنەی کەپارتی و یەکێتی لەماوەی رابردوو لەناوچە کوردستانیەکانی ‏دەرەوەی هەرێم  پەیڕەویان کردوە کە هەژموونی حیزبایەتی لایان زاڵ بووە ‏بەسەر پرسی نیشتمانی و نەتەوەیی، هەر ئەوەش هۆ کار بووە بۆ لاوازیی ‏پێگەی کورد، بەڵام لەم هەلومەرجەی ئیستا و لەپێناو لەدەستنەدانی ئەوەی کە ‏ماوە، پێمان باشە و پێشنیاز دەکەین بۆ بەشداری لە هەڵبژاردنی ئەنجومەنی ‏پارێزگاکان لە ناوچەکوردستانییەکانی دەرەوەی هەرێم بە هاوپەیمانیەتییەک و ‏یەک لیست کە هەموو لایەنە کوردییەکان پێکی بهێنن بەشداری هەڵبژاردن ‏بکرێت، بە مەرجێک هیچ لایەنێک لە دەرەوەی هاوپەیمانیەتییەکە ‏نەمێنێتەوە"‎.‎