بەپێی هەواڵی کوردپرێس، ژمارەیەک لە میدیاکانی تورکیا لەوان ئانادۆڵس باسیان لەوە کردووە، سیستەمی مووشەکیی M142 HIMARS ئەمریکی لە پارێزگای دێرەزوری کوردستانی سووریا جێگیر کراون کە دەکەوێتە ڕۆژهەڵاتی ڕووباری فورات ‌و لەژێر کۆنترۆڵی هێزەکانی سووریای دیموکراتدایە.

ئەو میدیایانە باسیان لەوەش کردووە، سەکۆی هەڵدانی مووشەکەکان گەیشتوونەتە کێڵگەی نەوتیی عومەر و وێستگەی غازی کۆنیکۆ لە پارێزگاکە.

بەوتەی ئاژانسە تورکییەکە، ڕەوانەکردنی سیستەمی مووشەکیی M142 HIMARS لە کوردستانی سووریا پەیوەندیی بە بەهێزکردنی پێگەی هێزە ئەمریکییەکان هەیە.