هێزەکانی سووریای دیموکرات لە ۴ ئۆپەراسیۆندا ۸ ئەندامی داعشیان دەستگیر کرد

بەشی سووریا- ناوەندی راگەیاندنی هەسەدە ڕایگەیاند ۸ ئەندامی رێکخراوی داعش لە میانی چوار ئۆپەراسیۆنی ئەمنیدا، لە حەسەکە و دێرەزوور و مەنبج، لەلایەن هێزەکانیانەوە دەستگیر کراون.

بەپێی هەواڵی کوردپرێس، ناوەندی راگەیاندنی "هێزەکانی کۆماندۆ"ی هێزەکانی سووریای دیموکرات دوو ئەندامی رێکخراوی داعشیان لە گوندی بەلقیسی تەل حەمیس لە گوندی قامیشلۆ دەستگیرکردووە و لە ماوەی رابردوودا دەستیان هەبووە بۆ کارئاسانی لە جموجۆڵەکانی شانەکان و دەستەبەرکردنی پشتگیری لۆجستی بۆیان و کۆکردنەوەی زانیاری هەواڵگری بۆ سوودی رێکخراوەکەش.

ئاماژەی بەوەش کرد، یەکە تایبەتەکان بە پاڵپشتی هاوپەیمانی نێودەوڵەتی، شانەیەکی دیکەی رێکخراوەکە، لە شارۆچکەی ئەلتەیانای رۆژهەڵاتی دێرەزوور، لە ئۆپەراسیۆنێکی ئەمنیدا کردە ئامانج.

پێش دەستگیر کردنی شانە ئامانجدارەکە هەڵاتووە و لە ئاسمانەوە لەلایەن فڕۆکەکانی هاوپەیمانی نێودەوڵەتییەوە چاودێری دەکرا، بۆ ئەوەی دەستگیر بکرێت و بەڵگەنامە و پارەی لەبەردەستیدا، جگە لە کەرەستەی تەکنیکی، دەستی بەسەردا بگیرێت.

هەروەها هەسەدە دوو ئۆپەراسیۆنی ئەمنی، لە گوندەکانی حەسەکە و مەنبەج ئەنجامدا، شانەیەکی داعشیان کردە ئامانج، کە هەوڵی تەقاندنەوەی تەقەمەنییان دەدا لە خاڵەکانی  هەسەدە و لە یەکەم ئۆپەراسیۆنیشدا ۳ ئەندامی رێکخراوەکە، لەنێویاندا ژنێک دەستگیراوە.

لە ئۆپەراسیۆنی دووەمدا، هەسەدە دوو ئەندامی دەستگیرکرد، دوای ئەوەی بۆسەیەکی توندیان بۆ دانا لە گوندی توایمین سەر بە شارۆچکەی ئەلشەدادی لە گوندەکانی باشووری رۆژهەڵاتی حەسەکە.

هەروەها هەسەدە توانی دەست بەسەر ژمارەیەک چەک و تەقەمەنی و ناسنامە و چەکی بێدەنگکەر و تەقەمەنیدا بگرێت.

News Code 221485

Tags

Your Comment

You are replying to: .
captcha