به‌پێی هه‌واڵی کوردپرێس، عه‌باس عێراقچی له کۆتاییی ئه‌و دانیشتنه‌دا به هه‌واڵنێرانی ڕاگه‌یاند: هه‌موو ئه‌ندامانی به‌شداربووی دانیشتنه‌که جه‌ختیان له‌سه‌ر پێبه‌ند بوونی هه‌موو لایه‌نه‌کان به ڕێککه‌وتنی به‌رجام کردۆته‌وه و دانیان به‌وه داناوه ناکرێت لایه‌نێک به ته‌واوه‌تی پێبه‌ند بێت و لایه‌نێکی دیکه کارشکێنی بکات.
له کۆتاییی دانیشتنه‌که‌دا خاتوو شمید وه‌کوو هه‌ماهه‌نگ‌کاری کۆمیسیۆنه‌که پێشوازیی له ئیلتیزامی ئێران به به‌رجامه‌وه کرد و داوای له هه‌موو لایه‌نه‌کانیش کرد به ته‌واوه‌تی و به نیازپاکی له که‌شێکی سازنده‌دا پێبه‌ند بن به ده‌قی ڕێککه‌وتنه‌که.
عه‌باس عێراقچی ئاشکراشی کرد: کۆمیسیۆنی هاوبه‌ش ئه‌م جاره‌یان زۆر به ئاشکراتر به‌ڕێوه‌چوو و شاندی ئه‌مریکیش ئه‌گه‌رچی هه‌ندێک ئیدعایان هه‌بوو به‌ڵام له هه‌مان کاتدا جه‌ختیان کردۆته‌وه پێبه‌ند ده‌بن به به‌رجام و ئێستا ده‌وڵه‌تی ئه‌مریکا به‌م هه‌لومه‌رجه‌وه پێبه‌ند ده‌بێت به به‌رجامه‌وه.
ناوبراو درێژه‌ی پێدا: ده‌بێت ئه‌مریکییه‌کان له‌وه تێبگه‌ن هیچ مه‌جالی تێدا نییه جارێکی‌تر دانووستان له‌سه‌ر به‌رجام بکه‌ین. ئه‌گه‌ر بڕیار بێت له‌سه‌ر ته‌وه‌ری دیکه‌ش دانووستان بکرێت ئه‌وا له که‌ناڵێکی جیاواز و له جێگایێکی جیاوازه‌وه قسه‌ی له‌سه‌ر ده‌کرێت.
کۆدی هه‌واڵنێر: 60103
Your Comment