به‌پێی هه‌واڵی کوردپرێس، له‌ كۆنگره‌یێكی ڕۆژنامه‌وانیدا هه‌ر دوو لێكۆڵه‌ر ئێلفری ماكوین له‌ زانكۆی ئاریزۆنا و ئۆگها لۆجیندرا له‌ په‌یمانگای ته‌كنیكیی جۆرجیا رایان‌گه‌یاند: ئه‌و ئاوه‌ی له‌ژێر رووی هه‌ساره‌ی مه‌ریخدا هه‌یه به‌ شێوه‌یێكی به‌ستوووه‌ به‌ڵام به‌پێی به‌ڵگه‌ تازه‌كان ده‌ركه‌وتوووه‌ كه‌ له‌ رووی مه‌ریخ ئاوێكی سوێر هه‌یه‌ كه‌ له ‌به‌ری ده‌ڕوا و پله‌ی گه‌رمییه‌كه‌شی به‌رزتره‌ له ‌پله‌ی گه‌رمی مه‌ریخ.

ئه‌و دوو لێكۆڵه‌ره‌ ئه‌م دۆزینه‌وه‌ تازه‌یه‌ به‌ هه‌لێكی باش وه‌سف ده‌كه‌ن بۆ گه‌یشتن به‌وه‌ی هه‌لی ژیان له‌سه‌ر مه‌ریخ بوونی هه‌یه‌. هه‌روه‌ک جه‌ختیان له‌وه‌ش كرده‌وه‌ كه‌ ئه‌مڕۆ ئاوی له‌به‌ر ڕۆیشتوو دۆزراوه‌ته‌وه‌ له‌سه‌ر هه‌ساره‌ی مه‌ریخ بۆیه‌ پێمان وایه‌ ژینگه‌یێكی گونجاو بۆ ژیان یان پێكهێنانی ژیان له‌سه‌ر مه‌ریخ هه‌یه‌.

سه‌رچاوه‌: لڤین پرێس

کۆدی هه‌واڵنێر: 60103