بەپێی هەواڵی کوردپرێس، بەگوێرەی راگەیەنراوی سەرۆکایەتی کۆمار، بەرهەم ساڵح، سەرۆک کۆماری عێراق لە کۆشکی سەلام لە بەغدا پێشوازیی کرد لە قاسم ئەعرەجی، راوێژکاری ئاسایشی نیشتمانی. لەو دیدارەدا گفتوگۆکرا دەربارەی پێشهاتە ئەمنییەکانی ئەم دواییەی عێراق و بەهێزکردنی هەوڵە ئەمنی و هەواڵگرییەکان بۆ بەگژداچوونەوەی پاشماوەکانی داعش.

راوێژکاری ئاسایشی نیشتمانیی عێراق ئاشکرای کرد، تیرۆرستا لەپلانیاندایە پەلاماری چەند شار و ناوچەیێک بدەن و بۆ ئەو مەبەستەش گرنگی پاراستنی ئاسایش و ئارامی هاوڵاتیان جەختی لەسەر کرایەوە.

ھەر لە دیدارەکەدا سەرۆک کۆماری عێراق جەختی کردەوە لە پێوسیتی ریشەکێش کردنی تیرۆر و پرکردنەوەی بۆشاییە ئەمنییەکان، ھاوکات سەرکەوتنی هێزە ئەمنییەکانی بەرز نرخاند بۆ لە ناوبردنی پاشماوە و ژمارەیێک بەرپرسی تیرۆریستان، راشیگەیاند نابێت بە ھیچ جۆرێک خەمساردی بکرێت لە ڕووبەڕووبوونەوەی تیرۆر و توندڕەوی.

کۆدی هەواڵنێر: 60113