مه‌نسووری نوێنه‌ری یاساییی نیزام په‌ره‌ستاریی مه‌هاباد به کوردپرێسی وت: تاکوو ئێستا نیزام په‌ره‌ستاری مه‌هاباد و خێرخوازانی ئه‌و شاره 15 کانێکسی نیشته‌جێ‌بوون به تێچووی 45 میلیۆن تمه‌نیان بۆ ناوچه‌ی بوومه‌له‌رزه‌لێدراوی کرماشان ئاماده کردووه که له چه‌ند ڕۆژی ڕابردوودا هه‌نارده ده‌کرێت.
ناوبراو زیادی کرد: له‌و هه‌ڵمه‌ته‌دا نیزام په‌ره‌ستاریی مه‌هاباد ئه‌رکی سه‌رپه‌ره‌شتیاری و کۆ کردنه‌وه‌ی یارمه‌تی نه‌ختینه‌ی خێرخوازان بۆ دروست کردنی کانێکسی وه‌ئه‌ستۆدایه و ته‌نانه‌ت له شاره‌کانی دراوسێش هاوکارانی نیزام په‌ره‌ستاری یارمه‌تییه‌کانی خۆیانیان بۆ ئێمه ناردووه.
مه‌نسووری جه‌ختی کرده‌وه: ئه‌مه دووهه‌مین وه‌جبه‌ی هاوکاریی نیزام په‌ره‌ستاری و خێرخوازانی مه‌هاباده که له‌م وه‌جبه‌یه‌دا کانێکسێکی نیشته‌جێ بوونی 4*3 ئاماده کراوه که چێشتخانه‌یێکی بچووکی هه‌یه و به‌پێی پێداویستی له‌و شوێنانه دابه‌ش ده‌کرێن.
کۆدی هه‌واڵنێر: 60103
Your Comment