بەپێی هەواڵی کوردپرێس، ژمارەیێکی زۆر لە شرۆڤکارانی ئەمریکی و تەنانەت ژمارەیێک لە بەرپرسانی نزیک لە سەرۆکی پێشووی ئەمریکا لەوان جان بولتون بڕوایان وابوو کە پەیوەندیی نێوان ئەمریکا و تورکیا لەسەردەمی ترەمپدا تەنها پەیوەندییەکی شەخسی نوێان ئەردۆغان و ترەمپ بوو و سەرۆکی پێشووی ئەمیکا لە زۆرینەی کاتدا داواکانی ئەردۆغانی ڕەت نەدەکردەوە.

بەڵام هەڵبژاردنی جۆ بایدەن وەکوو سەرۆکی نوێی ئەمریکا، بار و دۆخێکی نوێی لە پەیوەندییەکانی نێوان ئەنقەرە-واشنتن هێنایە ئاراوە. جۆ بایدەن ساڵێک بەرلە ئێستا ڕەخنەی لە سیاسەتەکانی ئەردۆغان گرت بەتایبەت لەبارەی کورد و ئۆپۆزیسیۆنی تورکیا.

ژمارەیێک لە گۆڤارە سیاسییەکان بەتایبەت لە ئەمریکا بڕوایان وایە کە دەوڵەتی جۆ بایدەن ئاوڕی زیاتر لە کورد دەداتەوە بەتایبەت کوردانی سووریا و تورکیا.

پەیمانگای برووکینز لە شیکاریێکدا کە لەبارەی پەیوەندییەکانی نێوان تورکیا و ئەمریکا لە سەردەمی جۆ بایدەن-دا دەنووسێت یەک لە تەگەژەکانی بەردەم چێکردنەوەی پەیوەندیی نوێان ئەمریکا و ڕاجیاوازیی ئەم دوو حکوومەتەیە لەسەر کوردانی سووریا.

پەیمانگای برووکینز دەڵێت ئەو خاڵە سەرەکییانەی کە دەبنە هۆی ئاڵۆزیی نێوان ئەمریکا و تورکیا بریتین لە: کڕینی سیستەمی بەرگریی مووشەکیی ئیس-400ی ڕووسیا لەلایەن تورکیا، کوردانی سووریا، قەیرانی ڕۆژهەڵاتی دەریای ڕەش، سزادانی بانکەکانی تورکیا لەلایەن ئەمریکا و پشتگیری جۆبایدەن لە ئۆپۆزیسیۆنی تورکیا.

ئەم پەیمانگایە جەخت دەکاتەوە ئەگەری ئاسایی بوونەوەی پەیوەندییەکانی ئەمریکا و تورکیا لەسەردەمی جۆ بایدەندا زۆر ئەستەمە.

کۆدی هەواڵنێر: 60113