بەپێی هەواڵی کوردپرێس، حسێن ئەمیر عەبدولهەیان وەزیری دەرەوەی ئێران لە کۆنگرەیەکی هاوبەشدا لەگەڵ فەیسەڵ میقداد هاوتا سووریەکەی رایگەیاند: "ئێران بانگەواز بۆ هەموو لایەنەکان دەکات، رێز لەسەروەریی و یەکپارچەیی خاک و ئاسایش و سەقامگیریی سووریا بگرن.


ئەمیر عەبدوڵڵاهیان ئاماژەی بەوەش کرد، "بێهەڵوێستیی کۆمەڵگەی نێودەوڵەتی، گرنگی نەدان بەو کێشانەی کە بەهۆی سزاکان و چەندین ساڵ شەڕی تیرۆریستی لە سووریادا دروست بووە، هەروەها گرنگی نەدان بە شێوەیەکی دروست بە بارودۆخی قوربانیانی بوومەلەرزەکە، جارێکی دیکە دوو ڕوویی خۆنمایشکەرەکانی سەلماند".


وەزیری دەرەوەی ئێران ئاماژەی بەوەش کرد: "ئێران و سووریا لە کاتە سەختەکاندا دۆستن، ئێران لە ڕۆژە سەختەکانی سووریادا وەک دۆست دەمێنێتەوە، ئێستاش کاتی ئەوە هاتووە هێزە بیانیەکان سووریا بەجێبهێڵن و بکشێنەوە".
وەزیری دەرەوەی ئێرا هەروەها هاوسۆزی و پشتیوانی ئێرانیشی بۆ حکوومەت و گەلی سووریا بۆ بەهاناوەچوونیان بەتایبەت دوای بوومەلەرزەکەی 6ی مانگی رابردوو دووپات کردەوە".

شایانی باسە دوێنێ پێنجشەممە، حسێن ئەمیر عەبدولهەیان وەزیری دەرەوەی ئێران لە تورکیاوە بەسەردانێک گەیشتە سووریا.