بەپێی هەواڵی کوردپرێس، فەرماندەیی ناوەندیی ئەمریکا ڕایگەیاند ڕۆژی یەکشەممە هێرشی مووشەکی کرایە سەر بنکەیەکی هێزەکانیان لە باکوور و ڕۆژهەڵاتی سووریا.

سێنتکام ڕۆژی یەکشەممە لە تویتێکدا ڕایگەیاند، کاتژمێر ٢٠:٢٨ی ڕۆژی شەممە ١٨ی شوبات، دوو مووشەک لە نزیک شوێنی هێزەکانی ئەمریکا و هاوپەیمانی نێودەوڵەتی دژی داعش لە گوندی "سەوز" کەوتوونەتە خوارەوە.

بە وتەی ئەم سەرچاوە سەربازییە ئەمریکییە، هێرشەکە هیچ زیانێکی گیانی و مادیی لێنەکەوتۆتەوە.