بەپێی هەواڵی کوردرێس، لە 77ەمین لووتکەی ساڵانەی کۆمەڵەی گشتیی نەتەوەیەکگرتووەکان ئیبراهیم ڕەئیسی سەرۆکی کۆماری ئێران ڕایگەیاند: خواستی جێگیر کردنی دادپەروەری لە دەروونی هەمووانە و ئێمەش پشتگیری لە جیهانی بوونی دادپەروەری دەکەین و دژی ستەم و جەنگین.

سەرۆکی ئێران ڕاشیگەیاند: کەڵەکەبوونی نادادپەروەری دەبێت هۆی جووڵانەوەی خەڵک هەرچەند کە زۆر جووڵە هەن کە هێشتا نەبوونەتە شۆڕشی گشتگیر و زۆر شۆڕش هەن کە بەلاڕێدا براون.

ڕەئیسی جەختی کردەوە: ئێمە خوازیاری چارەنووسی هاوبەشین بۆ هەموو مرۆڤایەتی و پشتگیری لە جیهانی بوونەوەی دادپەروەری دەکەین.