کوردپرێس:
میدیای فه‌رمیی توركیا بڵاوی كرده‌وه، كاژێر 13:00ـی پاشنیوه‌ڕۆی ئه‌مڕۆ هه‌ینی، ئۆتۆمبێلێكی پارككراو له‌شه‌قامی محه‌ممه‌د عاكف ئارسۆی له شارۆچكه‌ی ره‌یحانلی سنووریی سه‌ر به پارێزگای هاتای له باشووری توركیا ته‌قییه‌وه و به‌هۆیه‌وه سێ كه‌س گیانیان لەدەست داوە و چه‌ند كه‌سێكی دیكه‌ش برینداربوون.
رەجەب تەییب ئەردۆغان، سەرۆککۆماری تورکیا لە کۆنگرەیەکی رۆژنامەڤانیدا ئاماژەی بەوە کرد "سێ کەسی سووری لە تەقینەوەکان گیانیان لەدەستداوە".
تاوه‌كوو ئێستا هۆكاری ته‌قینه‌وه‌كه نه‌زانراوه و ژماره‌یێكی زۆر له یه‌كه جیاوازه‌كانی هێزه ئه‌منییه‌كان و ئه‌مبوڵانسه‌كان روویان كرده شوێنی ته‌قینه‌وه‌كه و ئۆتۆمبێله گڕگرتووه‌كه‌ش له‌لایه‌ن تیمه‌كانی ئاگركوژێنه‌وه کۆنترۆڵکراوە.
هاوکات پارێزگاری هاتای و لایه‌نه ئه‌منییه‌كانی توركیا راگه‌یێندراوی فه‌رمییان له‌وباره‌یه‌وه بڵاونه‌كردووه‌ته‌وه.
Your Comment