بەپێی هەواڵی کوردپرێس، عەریب ڕەنتاوی بەڕێوەبەری ناوەندی خوێندنەوە سیاسییەکانی ئەلقودس بڕوای وایە جیا لە ئەنجامی شەڕی ڕووسیا و ئۆکراینا، مۆسکۆ دەست لە سووریا هەڵناگرێت.

ناوبراو بە ئاژانسی "یو پی ئای" لەبارەی کاریگەریی گۆڕانکارییەکانی ئەمدواییە لەسەر پێگەی ئەمریکا و ڕووسیا لە سووریا بە ئاوڕدانەوە لە تێوەگلانی ئەم دوو وڵاتە لە شەڕی ئۆکراینا وتووە: ڕووسیا لەگەڵ هێزەکانی تورکیا لە باکووری ڕۆژئاوا و هێزەکانی ئەمریکا لە ناوچەی ژێر کونترۆڵی کوردانی سووریا بەشەڕ نایەت.

ئەم شرۆڤەکارە سیاسییەی ڕۆژۆەڵاتی ناوەڕاست جەختی کردۆتەوە کە کێشەکانی سووریا لە کۆتاییدا لە ڕێگای سیاسییەوە کۆتایی دێت.