بەپێی هەواڵی کوردپرێس، سەرچاوەیەکی ئەمنی لە کەرکووک رایگەیاند، هێرشەکەی ئەمشەوی داعش بازگەیەکی فەوجی سێ لە لیوای 45ی سوپای عێراق بەئامانج گرتوە کە لە گوندی ( البو محمد) بۆ پاراستنی ئاسایشی سنورەکە هەبووە.
ئاماژەی بەوەشکردوە، لە ئەنجامی هێرشەکەش بۆ سەر بازگەکەی سوپای عێراق، سەربازێکی سوپای عێراق کوژرا و سەربازێکی دیکەش برینداربووە.
لەعێراق ماوەی چەندین مانگە جموجۆڵی چەکدارانی داعش زیادیکردوە بەتایبەت لە سنووری ناوچە کێشەلەسەرەکان، بەرپرسانی پێشمەرگەش دەڵێن بەهۆی نەبوونی هەماهەنگیی هێزە ئەمنییەکان و بوونی بۆشایی ئەمنی، داعش لەچەند ناوچەیەکدا جموجۆڵەکانی زیاد کردوە و زیانی بە هێزە ئەمنییەکان گەیاندووە.
Your Comment