بەپێی هەواڵی کوردپرێس، ڕێبەری باڵای شۆڕشی ئیسلامیی ئێران بەبۆنەی هاتنی ساڵی 1401 پەیامێکی بڵاو کردەوە.

ئایەتۆڵڵا خامنەیی ڕایگەیاند ساڵی 1400 وەکوو هەموو ساڵانی پێشوو ساڵێک بوو پڕ لە هەوراز و نشیو و زیادی کرد: هەڵبژاردنی گرینگی سەرۆک کۆماری یەکێک لە گرینگترین شیرینییەکانی ساڵی ڕابردوو بوو کە سەرەڕای بوونی مەترسی و گشتگیریی کۆرۆنا بەشدارییان لە هەڵبژاردن کرد و دەوڵەتێکی نوێیان دەست نیشان کرد.

ڕێبەری باڵای شۆڕش دانپێدانانی زەلیلانەی ئەمریکییەکانی لە ئەوپەڕی گوشارەکانی سەر ئێرانی بە یەکێک تر لە شیرینییەکانی ساڵی 1400 وەسف کرد و زیادی کرد: بەرخۆدانی خەڵک ئەم سەرکەوتنەی دەستەبەر کرد.

ئایەتۆڵڵا خامنەیی ڕاشیگەیاند تەنگدەستی و مەعاشی سەخت و گرانییەکان لە تاڵییەکانی ساڵی 1400 بوو. کێشە ئابوورییەکان عیلاج دەکرێن و دەبێت عیلاج بکرێن هەرچەند کە نابێت چاوەڕوان بکرێت کە بەخێرایی ئەم کارە بکرێت.

ڕێبەری باڵای شۆڕش وەبیری هێنایەوە: ئەمساڵیش جەخت لە بەرهەم هێنان دەکەمەوە، هەڵبەت بە دەموچاوی نوێی بەرهەم هێنانەوە واتا «زانستی بنەڕەتی» و «ئافەراندنی هەلی کار».