کوردپرێس:
هاوپەیمانیی نێودەوڵەتیی دژەداعش ڕایگەیاند لەسەر بانگهێشتی فەرمیی دەوڵەتی عێراق خولێکی مەشقی سەربازیی بۆ 500 پێشمەرگەی هەرێمی کوردستان بەڕێوە برد و هەفتەی ڕابردووش نمایشێکی سەربازیی هاوبەشی نێوان پێشمەرگە و هێزەکانی سەر بە هاوپەیمانان بەڕێوە چوو.
ماڵپەڕی تایبەتی هاوپەیمانیی دژەداعش لە ڕاپۆرتێکدا ڕایگەیاند ماوەی دە هەفتە مەشقی سەربازییان بە پێشمەرگە کردووە ئەوەش لەسەر بانگهێشتی فەرمیی دەوڵەتی عێراق و لە بنکەی سەربازیی "بنەسڵاوە"ی سەربە هەولێر ئەنجام دراوە و لە کۆتاییی خولی مەشقپێکردنەکەشدا بە ئامادەبوونی پێشمەرگە و ڕاوێژکارەی ئیتاڵییەکانی هێزی هاوپەیمانان نمایشێکی سەربازیی هاوبەش کرا.
هەر لە نمایشە سەربازییەکەدا ئوپەراسیۆن و هەڵمەتی فریاکەوتنی پزیشکی بۆ برینداران ئەنجام درا.
Your Comment