بەپێی هەواڵی کوردپرێس، هەڵبژاردنی دووبارەی شارەوانییەکانی 2019ی تورکیا لە چوار شاری یووسفعەلی لە پارێزگای ئارتیۆن، هوناز لە پارێزگای دینیزلی، کسکین لە پارێزگای کریک قەڵا و بسنی لە پارێزگای ئادی یامان بەڕێوەچوو و پاش کۆتایی هاتنی، ژماردنی دەنگەکان لەلایەن ئەنجومەنی باڵای هەڵبژاردنی تورکیاوە دەستی پێکرد و ئەنجامەکانی ڕاگەیێندرا کە بەم شێوەیە:

لە شاری کسکین سەربە پارێزگای کریک قەڵا: دەدە یێڵدرم سەربە پارتی داد و گەشە بە 2 هەزار و 426 دەنگ وەکوو شارەوان هەڵبژێردرا.

لە شاری یووسفعەلی سەربە پارێزگای ئارتیۆن ئەیووب ئایکتین کاندیدی سەربە پارتی داد و گەشە بە 2 هەزار و 428 دەنگ وەکوو شارەوان هەڵبژێردرا.

لە شاری بسنی سەربە پارێزگای ئادی یامان عەلی بیلماز کاندیدی پارتی دیموکرات چەپی تورکیا بە 370 دەنگ وەکوو شارەوان هەڵبژێردرا.

لەشاری هوناز سەربە پارێزگای دینیزلی یۆکس کەپەنەک کاندیدی جەهەپە بە 9 هەزار و 385 دەنگ وەکوو شارەوان هەڵبژێردرا.

سەرچاوە: ڕۆژنامەی جمهووریەت

کۆدی هەواڵنێر: 60113