به‌پێی هه‌واڵی کوردپرێس، مسته‌فا بالی وته‌بێژی هێزه‌کانی سووریای دیموکرات به ماڵپه‌ڕی ڕووسیا تووده‌ی ڕاگه‌یاندووه: ئوسامه عوبێد ساڵح ناسراو به وه‌زیری نه‌وتی ڕێکخراوی داعش که ماوه‌ی 11 مانگه له لای هێزه‌کانی سووریای دیموکرات "هه‌سه‌ده" ده‌ستبه‌سه‌ره ئاشکرای کردووه "داعش توانیویه‌تی چه‌ندین تۆن زێڕ و بڕێکی زۆر له بابه‌تی به‌نرخ له شاری مووسڵه‌وه به‌ره‌و سووریا بگوازێته‌وه، له‌و کاته‌ی که کۆنترۆڵی شاره‌که‌یان کردووه."
به وته‌ی بالی، وه‌زیری نه‌وتی داعش زانیاریی گرنگی بۆ ئاشکرا کردوون سه‌باره‌ت به په‌یوه‌ندییه ئابورییه‌کانی داعش له‌گه‌ڵ ده‌وڵه‌تان و چۆنێتیی به‌ڕێوه‌بردنی په‌یوه‌ندییه ئابوورییه‌کانیان.
وته‌بێژی هێزه‌کانی سووریای دیموکرات ڕاشی‌گه‌یاند: ئوسامه عوبێد سه‌باره‌ت به شوێنی خۆحه‌شاردانی ئه‌بووبه‌کر به‌غدادی سه‌رۆکی ڕێکخراوی داعشیش باسی له‌وه کردووه که به‌غدادی له‌و ناوچانه‌ی سووریایه که له ژێر ده‌ستی هێزه‌کانی سوپای تورکیادایه له باکووری سووریا.
کۆدی هه‌واڵنێر: 60103
Your Comment