به‌پێی هه‌واڵی کوردپرێس، سامر غه‌زبان وه‌زیری نه‌وتی عێراق له‌ ڕاگه‌یێندراوێكدا ئاماژه‌ی به‌وه‌ کردوووه‌ که‌ وڵاته‌که‌ی له‌ چوارچێوه‌ی که‌مکردنه‌وه‌ی به‌رھه‌مھێنانی نه‌وت پابه‌ندبوونی خۆی بۆ بڕیاری وڵاتانی ئه‌ندام له‌ ئۆپێک و وڵاتانی به‌رهه‌مهێنه‌ر له‌ ده‌ره‌وه‌ی ڕێكخراوه‌كه‌ كردوووه‌ و له‌مباره‌یه‌وه‌ ھه‌نگاوی پێویستیان ناوه‌ بۆ که‌مکردنه‌وه‌ی 3%ی به‌رھه‌مھێنانی نه‌وت له‌ ڕۆژێکدا که‌ ئه‌مه‌ش ده‌کاته‌ 140 ھه‌زار به‌رمیل نه‌وت له‌ ڕۆژێکدا.

وڵاتانی ئه‌ندام له‌ ئۆپیک و وڵاتانی به‌رهه‌مهێنه‌ر له‌ ده‌ره‌وه‌ی ڕێکخراوه‌که‌ له‌ سه‌روویانه‌وه‌ ڕووسیا ڕێککه‌وتن له‌سه‌ر که‌مکردنه‌وه‌ی ئاستی به‌رهه‌مهێنانی نه‌وت به‌ بڕی ڕۆژانه‌ ملیۆنێک و دووسه‌د هه‌زار به‌رمیل وه‌ک پاڵپشتییێک بۆ نرخی نه‌وت به‌ جۆرێک وڵاتانی ئه‌ندام بڕی 800 هه‌زار به‌رمیل و وڵاتانی ده‌ره‌وه‌ی رڕکخراوه‌که‌ 400 هه‌زار به‌رمیل ڕۆژانه‌ که‌مکردنه‌وه‌که‌ ده‌گرنه‌ ئه‌ستۆ.

سه‌رچاوه‌: ڕووداو

کۆدی هه‌واڵنێر: 60103