به‌پێی هه‌واڵی کوردپرێس، ڕه‌شاد گه‌ڵاڵی لێپرسراوی کۆمیته‌ی مه‌خمووری یه‌کێتی به SNNی ڕاگه‌یاند: "ئه‌مریکا بڕیاری داوه له دوای کشانه‌وه‌ی سوپای وڵاته‌که‌ی له سووریا، ھێزه‌کانی له ھه‌رێم جێگیر بکات".
ناوبراو وتیشی: "به گوێره‌ی زانیارییه‌کان، له ئێستادا فڕۆکه‌خانه‌ی ھه‌ریر که تایبه‌ته به ھێزه‌کانی ئه‌مریکا فراوان ده‌کرێت وه‌ک ئاماده‌کارییێکیش بۆ ھاتنی ھێزه‌کانی ئه‌مریکا له سووریاوه".
ڕه‌شاد گه‌ڵاڵی ڕاشیگه‌یاند: "چه‌ند سه‌ربازگه‌یێکی نوێی ئه‌مریکا له خاکی ھه‌رێم ده‌کرێنه‌وه وه‌ک ئاماده‌کارییێک بۆ ئه‌و ھه‌زار و 400 سه‌ربازه‌ی که له خاکی سووریاوه پاشه‌کشه ده‌که‌ن".
ناوبراو جه‌ختی کرده‌وه: "یه‌کێک له سه‌ربازگه‌کان ئه‌وه‌یه له سنووری پارێزگای مووسڵ له‌سه‌ر چیای شنگال داده‌نرێت که ھاوکار و ھه‌ماھه‌نگ ده‌بن بۆ جێبه‌جێ کردنی به‌رنامه‌ی داھاتووی حکوومه‌تی ئه‌مریکا".
گه‌ڵاڵی ئاماژه‌ی به‌وه کرد: "له دوای فراوان کردنی پێگه‌ی سه‌ربازیی ئه‌مریکا له خاکی ھه‌رێم، چیتر تورکیا ناتوانێت ئه‌وه‌ی له ڕابردوو دژ به ھه‌رێم و عێراق کردوویه‌تی، بتوانێت ئه‌نجامی بدات، بۆیه بوونی ئه‌و ھێزانه له به‌رژه‌وه‌ندیی ھه‌رێمی کوردستان ده‌بێت ئه‌گه‌ر سه‌رکردایه‌تی کورد عاقڵانه مامه‌ڵه له‌گه‌ڵ ئه‌مریکا و ئه‌ورووپا بکات".
کۆدی هه‌واڵنێر: 60103
Your Comment