بەپێی هەواڵی کوردپرێس، مه‌لا که‌ریم شوکور جێگرى سه‌رۆکى فراکسیۆنى یه‌کێتى له ‌په‌رله‌مانى عێراق به‌میدیا عێراقیه‌کانى وتووە: "یه‌کێتى‌ و پارتى له‌ساڵى 1992وه‌ تائێستا پێکه‌وه‌ هاوبه‌ش‌ و حوکمڕانن ‌و بابه‌تى جیاوازیان له ‌پۆستى سه‌رۆکایه‌تى کۆمارى عێراق، کاریگه‌رى نابێت له‌سه‌ر ئه‌و په‌یوه‌ندیه‌ مێژوییانه‌یان".

ناوبراو وتووشیه‌تى: "ئه‌گه‌رچى دووباره‌ کردنه‌وه‌ى ده‌رگا بۆ خۆکاندیدکردن بۆ پۆستى سه‌رۆکایه‌تى کۆمارى عێراق بابه‌تێکى ناده‌ستوورى ‌و نایاساییه‌، به‌ڵام ده‌رفه‌تێکه‌ یه‌کێتى ‌و پارتى پێکه‌وه‌ بگه‌نه‌ ڕێکه‌وتن ‌و به‌کاندیدى هاوبه‌ش بچنه‌وه‌ ناو کۆبونه‌وه‌ى داهاتوو".

له‌گه‌ڕى یه‌که‌مى کردنه‌وه‌ى ده‌رگاى خۆپاڵاوتن بۆ پۆستى سه‌رۆکایه‌تى کۆمارى عێراق یه‌کێتى ‌و پارتى به‌کاندیدى جیاواز چوونه‌ کێبڕکێوه‌، تائێستاش هه‌رلایه‌نه ‌و به‌جیا له‌هه‌وڵدایه‌ بۆئه‌وه‌ى کاندیده‌که‌ى خۆى سه‌ربخات.