بەپێی هەواڵی کوردپرێس، سه‌رچاوه ئه‌منییه‌کانی شاری که‌رکووک ئاشکرایان کرد: ئه‌مشه‌و له نزیک گوندێکی شاره‌دێی ڕیاز له سنووری شاری که‌رکووک، چه‌کدارانی داعش به چه‌کی سووک و مامناوه‌ند هێرشیان کردۆته سه‌ر بنکه‌یه‌کی لیوای سێی پۆلیسی فیدڕالی عێراق.
سەرچاوەکە ڕاشیانگه‌یاند: له هێرشه‌که‌دا 2 پۆلیسی فیدڕاڵی عێراقی کوژراون و هه‌روه‌ها یه‌کێکی تریش بریندار بووه.
ئه‌م هێرشه‌ی داعش له‌کاتێکدایه که ئێواره‌ی ڕۆژی یه‌کشه‌م له سنووری شاری نه‌ینه‌وا فڕۆکه‌کانی هێڵی ئاسمانیی عێراق چه‌ند مۆڵگه‌یه‌کی تیرۆریستانیان کرده ئامانج.
Your Comment