بەپێی هەواڵی کوردپرێس؛ میدیای فەرمیی یەکێتی بڵاوی کردەوە له‌ دیدارێكدا ره‌فعه‌ت عه‌بدوڵا، بڕیارده‌ری ده‌سته‌ی كارگێڕی و قادر عه‌زیز، كارگێڕی مه‌كته‌بی سیاسی و شاڵاو كۆسره‌ت ره‌سوڵ ئاماده‌بوون، دواپه‌ره‌سه‌ندنه‌ سیاسی، ئابووری، ئه‌منییه‌كان و دۆخی وڵات به‌ گشتی تاوتوێكرا و به‌رپرسیارانه‌ و راشكاوانه‌ ھه‌ڵوێستیان له‌باره‌وه‌ خرایه‌ڕوو.
ھه‌ر له‌ دیداره‌كه‌دا ته‌ئكید له‌ یه‌كخستنی ھه‌وڵه‌ ھه‌مه‌لایه‌نه‌كان كرایه‌وه‌ بۆ ئه‌نجامدانی یه‌كه‌م كۆبوونه‌وه‌ی ئه‌نجومه‌نی نوێنه‌رانی عێراق و پێكھێنانی حكومه‌تی نوێی عێراق، كه‌ وه‌ڵام ده‌ره‌وه‌ی خواستی ھه‌موولایه‌ك بێت و ببێته‌ مایه‌ی سه‌قامگیری سیاسی و ئارامی زیاتر.