بەپێی هەواڵی کوردپرێس، ئه‌مڕۆ چوارشەممە 5ـی كانوونی دووه‌می 2022، نێچیرڤان بارزانی، سه‌رۆکی هه‌رێمی کوردستان پێشوازیی لە فالح ئه‌لفەیاز سەرۆكی دەستەی حەشدی شەعبی كرد.

لە دیدارێکدا دوایین پێشهاته‌کانی پرۆسه‌ی سیاسیی عێراق، گفتوگۆ و هه‌وڵی لایه‌نه‌کان بۆ ئه‌نجامدانی یه‌که‌م کۆبوونه‌وه‌ی په‌رله‌مان تاوتوێ کران و بیروڕایان ده‌رباره‌ی پێكهێنانی حكوومەتی داهاتووی فیدراڵیی عێراق گۆڕییه‌وه‌.