بەپێی هەواڵی کوردپرێس، ئەمڕۆ سێشەممە 04-01-2021 سەرۆکی پارتی دیموکراتی کوردستان لە سەلاحەدین پێشوازیی لە مەحموود مەشهەدانی کرد کە بڕیارە لە دانیشتنی یەکەمی پەرلەمانی عێراق بەهۆی ئەوەی کە لە هەموو پەرلەمانتارەکانی دیکە بەتەمەنترە، سەرۆکایەتیی دانیشتنەکە بکات.

بەپێی راگەیێندراوی بارەگای بارزانی، لە کۆبوونەوەکەدا، جەخت لەسەر جێبەجێ کردنی هەر سێ پرەنسیپی هاوبەشی، سازان و هاوسەنگی کراوەتەوە، هەروەها دەبێت رەچاوی مافەکانی هاووڵاتییان و پێکهاتەکانی عێراق بکرێت.

هەر ئەمڕۆ بارزانی لە سەلاحەدین پێشوازیی لە شاندێکی باڵای رەوتی سەدر بە سەرۆکایەتیی حەسەن ئەلعەزاری کرد.