بەپێی هەواڵی کوردپرێس، محەممەد حەلبووسی، سەرۆکی پەرلەمانی عێراق لە توویتێکدا لەبارەی کۆبوونەوەی پەرلەمانی عێراق بۆ یەکلایی کردنەوەی پۆستی سەرۆک کۆمار رایگەیاند کۆبوونەوەکە بۆ کاژێر 8:00ی ئێوارەی ئەمڕۆ سێشەممە 2-10-2018 دواخرا.

بڕیاربوو کاژێر 1:00ی دوانیوەڕۆی ئەمڕۆ سێشەممە 2-10-2018 کۆبوونەوەی پەرلەمانی عێراق بۆ هەڵبژاردنی سەرۆک کۆمار بەڕێوە بچێت، بەڵام سەرۆکی پەرلەمانی عێراق لە توویتێکدا کۆبوونەوەکەی بۆ کاژێر 8:00ی ئێوارەی ئەمڕۆ دواخست.

بەپێی رێككەوتنە سیاسییەكانی نێوان لایەن ‌و پێكهاتەكانی عێراق پۆستی سەرۆک كۆمار پشكی كوردە، لە ناو كوردیشدا هەریەک لە یەكێتیی نیشتمانیی كوردستان ‌و پارتی دیموكراتی كوردستان پۆستەكە بە پشكی خۆی دەزانێت ‌و لە ململانێیێكی توندان.

کۆدی هەواڵنێر: 60113