به‌پێی هه‌واڵی کوردپرێس، نێرده‌ی نه‌ته‌وه یه‌كگرتوووه‌كان له عێراق "یونامی" بڵاوی كرده‌وه كه له ماوه‌ی مانگی ئه‌یلوولی ڕابردوودا 75 كه‌س به‌هۆی په‌لاماری تیرۆریستی و كاری توندوتیژی و ناكۆكییه چه‌كدارییه‌كانه‌وه له عێراق كوژراون.
نه‌ته‌وه یه‌کگرتوووه‌کان ڕوونیشی كرده‌وه كه له هه‌مان ماوه‌دا 179 كه‌سی دیكه‌ش بریندار بوون و زۆربه‌ی قوربانییه‌كانیش له شاری به‌غدا تۆمار كراوه كه 31 كه‌سی تێدا كوژراوه و 70ی دیكه‌ش بریندار بوون.
دوای ئه‌ویش پارێزگای ئه‌نبار به پله‌ی دووه‌م دێت كه له مانگی ئه‌یلوولدا 15 كوژراو و 37 برینداری هه‌بوووه، پارێزگای سه‌ڵاحه‌دینیش له ئه‌یلوولی ڕابردوودا 9 كوژراو و 38 برینداری تێدا تۆمار كراوه.
مانگانه نێرده‌ی نه‌ته‌وه یه‌كگرتوووه‌كان ئاماری قوربانییانی كاره توندوتیژییه‌كانی عێراق بڵاو ده‌كاته‌وه.
سه‌رچاوه: میدیاکانی هه‌رێمی کوردستان
کۆدی هه‌واڵنێر: 60103
Your Comment