به‌پێی هه‌واڵی کوردپرێس، ئه‌مڕۆ سێشه‌ممه‌ 2ی تشرینی یه‌که‌م شاندی پارتی دیموکراتی کوردستان به‌ سه‌رۆکایه‌تیی نێچیرڤان بارزانی جێگری سه‌رۆکی پارتی له‌ به‌غدا له‌گه‌ڵ عادل عه‌بدولمه‌هدی سه‌رکرده‌ی دیاری شیعه‌کانی عێراق کۆ بوونه‌وه‌.

له‌ کۆبوونه‌وه‌که‌دا شاندی پارتی و عادل عه‌بدولمه‌هدی تاوتوێی پێکهێنانی حکوومه‌تی داهاتووی عێراق و پرسی سه‌رۆککۆماریان کردوووه‌.

دوێنێ دووشه‌ممه 1ی تشرینی یه‌که‌م‌ شاندێکی پارتی به‌ سه‌رۆکایه‌تیی نێچیرڤان بارزانی بۆ تاوتوێ کردنی پرسی سه‌رۆککۆماری عێراق گه‌یشته‌ به‌غدا و له‌گه‌ڵ ژماره‌یێک له‌ سه‌ركرده‌كانی عێراق كۆ بوونه‌وه‌.

ئه‌مه‌ له ‌كاتێكدایه‌ بڕیار بوو ئێواره‌ی دوێنێ په‌رله‌مانی عێراق ده‌نگ بۆ له‌سه‌ر كاندیدێک بۆ پۆستی سه‌رۆكایه‌تیی كۆماری عێراق بدات به‌ڵام به‌ھۆی ته‌واو نه‌بوونی ڕێژه‌ی یاساییی په‌رله‌مانتاران كۆبوونه‌وه‌كه‌ بۆ ئه‌مڕۆ دواخرا.

سه‌رچاوه‌: میدیاکانی هه‌رێمی کوردستان

کۆدی هه‌واڵنێر: 60103