به‌پێی هه‌واڵی کوردپرێس، نوێنه‌ری کوتله‌ی فه‌تح که نه‌یویستوووه ناوه‌که‌ی بدرکێندرێت به هه‌واڵده‌ریی مه‌علوومه‌ی وتوووه که ئه‌و کاته‌ی عادل عه‌بدولمه‌هدی پۆستی له وه‌زاره‌تی نه‌وتی عێراقدا بوووه ئیمتیازی به کورده‌کان داوه بۆ هه‌نارده‌کردنی نه‌وت هه‌ر بۆیه ئه‌و کوتله‌یه دژ به به‌ربژێربوونی عادل عه‌بدولمه‌هدی بۆ وه‌رگرتنی پۆستی سه‌رۆک وه‌زیرانی عێراقه.
ئه‌و نوێنه‌ره‌ی کوتله‌ی فه‌تح ئاماژه به‌وه‌ش ده‌دات که حیزبه کوردستانییه‌کان و هاوپه‌یمانیی سائیروون پشتیوانی له کاندیدبوونی عادل عه‌بدولمه‌هدی بۆ پۆستی سه‌رۆک وه‌زیرانی عێراق ده‌که‌ن و ده‌شڵێت: زۆربه‌ی په‌رله‌مانتارانی کورد دژ به پێکهێنانی کابینه‌ی داهاتووی عێراق له‌لایه‌ن عادل عه‌بدولمه‌هدین چوونکه ئیزنی به کورد دابوو که به بێ ڕه‌زامه‌ندیی ده‌وڵه‌تی فیدڕاڵ ڕۆژانه 500 هه‌زار به‌رمیل نه‌وت هه‌نارده بکه‌ن.
نوێنه‌ره‌که‌ی کوتله‌ی فه‌تح جه‌ختی کرده‌وه: هاوپه‌یمانیی نه‌سره و ده‌وڵه‌تی یاسا هه‌وڵه‌کانیان چڕ کردۆته‌وه بۆ دیاری‌کردنی کاندیدێک له‌لایه‌ن حیزبی ده‌عوه‌وه بۆ وه‌رگرتنی پۆستی سه‌رۆک وه‌زیرانی عێراق هه‌ر بۆیه دژ به کاندیدبوونی عادل عه‌بدولمه‌هدی بۆ وه‌رگرتنی ئه‌و پۆسته‌ن.
کۆدی هه‌واڵنێر: 60103
Your Comment