کوردپرێس:

تەلەڤزیۆنی ڕووداو ڕایگەیاند کاژێر 12:00ی نیوەڕۆی ڕۆژی چوارشەممە 27-10-2021 فڕۆکە جەنگییەکانی تورکیا سنووری گوندی بانکیی سەر بە ناحیەی باتیفایان لە پارێزگای دهۆک بۆردوومان کردووە.

بەپێی زانیارییەکانی رووداو، "تاوەکو ئێستا هیچ زیانێکی گیانی نەبووە، بەڵام ترس و دڵەڕاوکێی لای دانیشتووانی سنوورەکە دروستکردووە".

ئەوەش لە کاتێکدایە، ناوبەناو لە ناوچە سنوورییەکانی هەرێمی کوردستان تورکیا بە بیانووی بوونی گەریلاکانی پارتی کرێکارانی کوردستان - پەکەکە بۆردوومان دەکات.